موالي

موال يمكن يكون اغنيه

رُجي يا ريح جدران بيوت قديمه
ما عاد في طاقتي
اني اشيل واهد فيها
ساويها بالارض ساويها
واقلبي عاليها في واطيها


الورده نشفت ..اوراقها دبلت
ولما وقعت ..طلعت بتبكي

والفرحه زالت ..م الجرح راحت
ولما غابت ..لقتني بغني

بغني بصوت جريح
والصوت بيطلع من ضريح


اصحي وفوق لا

لا

متعملش ميت
فيك النفس والروح
امسك فيا وتبت

انا كنت شايف ولا غميت عنيا
انا كنت جاني ولا كنت الضحيه


موال قديم بقاله سنين
بيتعاد ادام عنيا
الفرق اني كنت الجارح
وهما الضحيه

قالوا عليا ديب ..وقالوا غلبان
قالوا نسمه ..ووقالوا تعبان
انا توهت مني لكني
لساتي انسان
فيا ملاك وفيا شيطان


يا مخدتي ..فهميني
اشيل ذنب ليه ماهوش ذنبي ؟
شلت الكتير لما اتقصم ضهري
هموم كتير علي كتفي
والقلب موجوع من بدري
عليل وما يقدر يحكي

يامرايتي عجزت ليه انا فيكي
ده حد تاني مش انا
ولا انا ؟يمكن اكون انا؟

وماتلوميش عليا يا حكايتي
اني مكتبتش فيكي نهايتي
بكره يا زينه ماهوش بيدي

وفتحي يا زهور
بعد الضلام في نور